Algemene Bestuurder
Reid’s Engineering is ‘n gevestigde vervaardiger en bemarker van kwaliteit landboumasjinerie en -toerusting in die Wes-Kaap. Volgehoue uitbreiding en ontwikkeling het tot die skepping van hierdie uitdagende loopbaan geleentheid gelei.
Die pos rapporteer direk aan die eienaar en behels onder meer verantwoordelikheid vir die volgende sleutelprestasie-areas: • volle verantwoordelikheid vir die Ceres tak • volle produksie bestuur rol • verandwoordelik vir skedulering en voltooiing van alle werk • gesondheid en veiligheids bestuur • personeel bestuur • bestuur van administratiewe en aankoops afdelings
Met oorhoofse bestuursverantwoordelikheid inherent tot die pos, is sterk leier eienskappe en goeie analitiese, kommunikasie-, organisatoriese en spanvaardighede ononderhandelbaar. ‘n Toepaslike tersiêre kwalifikasie en rekenaarvaardigheid met onder meer kennis van MS Office is verdere vereistes. Voorkeur sal gegee word aan kandidate met minstens vyf jaar toepaslike ondervinding – verkieslik in ‘n produksie omgewing.
Die vergoedingspakket sal markgerig wees.
Diensaanvaarding sal ideaal gesproke 1 Augustus 2017 wees.
Belangstellendes wat graag hierdie uitdaging wil aanvaar, kan ‘n bondige CV (nie meer as 5 bladsye) met dekbrief asook salaris verwagting stuur aan finance@redantagri.co.za. ‘n Volle pos beskrywing sal aan gekortlysde kandidate gestuur word.
Aansoeke sluit op 31 Mei 2017
Indien u nie vir n onderhoud genooi word nie, aanvaar asseblief dat u aansoek onsuksesvol was.
